IES María Soliño
Afonso Diz Castro acaba, con 22 anos, os seus estudos de Bioloxía na Universidade de Santiago de Compostela, ponse a buscar emprego mais non atopa e decide emigrar a Nova York. Alí, na terra onde todos os soños se volven realidade, ten a insólita idea de impartir aulas de galego para persoas adultas e así ir tirando. O éxito é total e mesmo atopa o amor da súa vida (Trebor, un estudante inglés de 21 anos). Algún tempo despois, deciden casar, regresar a Galiza e adoptar unha crianza.