IES Audiovisual de Vigo
O mariño mercante Miguel Font Rosell, testemuña directa da traxedia do petrolero noruego POLYCOMMANDER, relata cronoloxicamente os feitos daquel 5 de Maio de 1970, reenchendo os ocos e confeccionando de xeito detallado a tráxica historia do verquido de 15.000 toneladas de cru na ría de Vigo. O seu posterior encubrimento por parte das autoridades franquistas supuxo a omisión de responsabilidades dun goberno, que lonxe de preocuparse polo impacto sobre o ecosistema e a saúde pública, permitiu que pescadores e bañistas da ría, alleos á situación, convivisen durante anos coa única evidencia física remanente daquel día: Algas negras