10ª Edición Olloboi

Días
Horas
Min
Seg

Aquí tes as bases deste ano

A Asociación Olloboi convoca o Festival Audiovisual “OlloBoi 2020” que este ano, por ser o noso aniversario, amplíase a dous días de festa e creación!

Desde febreiro e ata o 17 de maio podedes inscribir as vosas pezas na web olloboi.com, onde atoparedes as bases específicas de participación desta convocatoria.

O Festival terá lugar os días 28 e 29 de maio en Boiro. Os actos do xoves terán lugar na Casa de Cultura de Boiro. Haberá un pase de curtas para alumnado do Barbanza, pola mañá, e outro de pezas do Equipo Cómplice de artistas, ás 20.00, aberto a toda a cidadanía.

Como en edicións anteriores, unha fase do festival está adicada á creación in situ: Muchachada 4x4, unha actividade exprés de creación fílmica colectiva para grupos de alumnado de toda Galicia, coa axuda de profesionais galegos do cine e cómplices cidadáns de Boiro. A Muchachada 4x4 será o venres de 10.30 a 14.30 e á rapazada e profes acompañantes ofrecémoslles un pincho de benvida e a comida.

Pola tarde celebrarase a 10ª edición de Entrega de premios Olloboi nos Asteleiros Triñanes. Con foliada e concerto fin de festa incluídos, se non hai novedade.

Para inscribirvos nunha ou varias destas actividades tedes formularios na nosa web. Nela iremos ampliando detalles sobre a Muchachada, os obradoiros e o Equipo Cómplice de artistas deste ano.

Avisamos que vai haber sorpresas cinéfilas para todo o mundo. Non todos os días se cumpren 10 anos, así que… A crear, amigas e amigos!

Inscríbete no Olloboi 2020

Patrocinadores e Colaboradores

OlloCentros 2020!