Busca aquí a túa curta

Olloboi é un proxecto sen ánimo de lucro desenvolvido desde 2010 pola asociación cultural do mesmo nome. O Festival Audiovisual Escolar Olloboi, dirixido a alumnado e profesorado dos centros escolares desde primaria a ensino superior,  transcorre nunha plataforma web os cinco primeiros meses do ano e culmina en maio con diversos actos presenciais: proxeccións, unha entrega de premios e un encontro de xoves creadores e creadoras, profesorado e profesionais do audiovisual. Trátase dun proxecto independente e sen ánimo de lucro que se nutre do traballo e a ilusión dos membros da organización:

Susana Diz, licenciada en Belas Artes e experta en comunicación gráfica
Manuel Garrido, profesor de Plástica no IES Becerreá, Lugo
Ana Moreiras, profesora de Tecnoloxía no IESP A Cachada, Boiro
Manuel Álvarez, profesor de Plástica no CPI Eusebio Baleirón, Dodro
Yaiza Vicente, técnica superior en produción audiovisual
Fco Javier Paz, técnico superior en sistemas informáticos

Somos un colectivo que canaliza a súa solidariedade a través da creatividade, por iso organizamos cada ano este certame que premia a orixinalidade, arte e compromiso dos traballos de moitos futuros profesionais. Por repercusión e participación (máis de 100 inscritos de toda Galicia e 10 000 visitas na nosa web e redes sociais en cada unha das tres edicións anteriores) Olloboi é xa a maior plataforma da canteira do audiovisual galego.