Desde que no 2010 organizamos o primeiro festival Olloboi, foi moi grande o número de personalidades do mundo do cine galego que nos axudaron a desenvolver o noso percorrido. De xeito totalmente altruísta, cineastas, intérpretes e expertos en cine aportaron o seu gran de area dando consellos, difundindo o festival e mesmo colaborando nas actividades didácticas de Aprendo con Olloboi.